وحيد حامد يهاجم التيار السلفي ويتهمه بتبني فكر "داعش"

انتقد السيناريست وحيد حامد عدم تصنيف الدولة لحزب النور السلفي على أنه "حزب ديني"، مشددًا على أنه لا يثق في السلفيين، فاتحًا النار عليهم، بقوله: "كلهم دواعش".   وأضاف حامد، في مقابلة تليفزيونية على قناة "cbc two" مع مدحت العدل في برنامج "إنت حر":"أنا لم أثق في السلفيين لمجرد لحظة واحدة".   وأشار حامد في حديثه إلى حزب النور، موضحًا: "مسألة بايخة جدًا تدل على التدليس، والأحزاب الواقع بتاعها مش بالأوراق، وأنت بتدعو للخلافة حزب ديني، وأنت بتبرهن على أنه حزب مدني إزاي، أنت رحت جبت أقباط، حطتهم في الكشوف وأنت أكتر واحد عدو للأقباط فتدليس، فالحزب مدلس والأقباط اللي دخلوا معاه مدلسين".   وأضاف حامد: "الدولة لما تلاقي نفسها مش قادرة على الفعل فتبتعته المحكمة، والمحكمة معناه تسويف".   وأوضح حامد: "في حالات التخبط السياسي رأى البعض أنك تحارب الإخوان بالسلفيين والتيار الديني كله الله يرحمه السادات افتكر السبعينيات لما غزوا الجامعات، ودخلت السيوف والجنازير، وتم القضاء على النشاطات الثقافية لضرب التيار اليساري وكل شيء وكانت الكارثة".   وتابع حامد: "لما يكون بيت فيه فيران أنت مابتقضيش على الفيران وتجيب تعابين، ومش ممكن تحارب شر بشر لأن الشر القادم سيقوى ويقولك أنا عملت لك"، مضيفًا: "ماينفعش تكون فيه جوامع أو مساجد لاصطياد الأبرياء وتلويث عقولهم".   وتساءل حامد: "هو (السلفيين) عايز المنابر ليه؟ للأسف الشديد بيطلعوا بكل بجاحة ويقولوا دي جوامعنا ودي مساجدنا"، مضيفًا في رسالته لهم: "المساجد لله".