مرتضى منصور يعلن عن تجهيزه مفاجأة للمرشح عبدالرحيم علي

 هاجم المستشار مرتضى منصور رئيس نادي الزمالك، عبدالرحيم علي، المرشح في دائرة الدقي بسبب تصريحات أشار فيها الأخير ضمنيًا إلى أحمد مرتضى منصور نجل رئيس الزمالك، المرشح معه بنفس الدائرة.   وقال "منصور"، في تصريحات صحافية، خلال تواجده باللجنة العامة لدائرة الدقي والعجوزة في المتحف الزراعي: "مش أحمد ابني اللي ياخد فلوس، عشان تقول إنه أتصرف عليه 20 مليون جنيه، إنت غلطت وفيه حساب عسير بيننا".   وهدد رئيس الزمالك بقوله: "ياعبدالرحيم اللي عملته سقطة كبيرة بس أنا مجهزلك مفاجأة كبيرة بعد الانتخابات هتندم عليها، ومش عايز أتكلم أكتر من كده عشان الصداقة اللي بيني وبينك".   يذكر أن أعمال الفرز بدأت عقب إغلاق صناديق الاقتراع في نهاية الجولة الأولى من انتخابات مجلس النواب، التي انطلقت في 14 محافظة أمس الاثنين، بطاقة تصويتية 27 مليون ناخب مقيدين في قاعدة البيانات في أكثر من 100 لجنة عامة في المحافظات، فيما تابع نحو 900 مراقب دولي الانتخابات وسط إجراءات أمنية مشددة.