إسراء الطويل تؤكد أن اعترافتها المسجلة صدرت تحت ضغط أمني

تداول رواد مواقع التواصل الاجتماعي "فيسبوك"، رسالة من المصورة الشابة، إسراء الطويل، المحبوسة احتياطيًا علي ذمة تهمة الانضمام لجماعة متطرفة ، مكونة من ورقتان، موضحين أنها أعطتها لوالدتها، خلال زيارة الأخيرة لها أمسالثلاثاء.

 وقالت إسراء، إن الاعترافات المسجلة عليها ، صدرت منها تحت ضغط من رجال الأمن، واصفة ما نشر عنها في الصحف بـ"فيلم هندي" لا أساس له من الصحة، وأضافت أنها لم ترتكب أي جرم.

وتنشر "التحرير" نص الرسالة، "بابا أنا آسفة جدًا على كل اللي حصل لكم بسببي، أقسم بالله ما عملت حاجة و الله العظيم،  سامحني أرجوك.. وأنا في أمن الدولة، لما لقوا الإعلام اتقلب عليا، قالوا مش هينفع يطلعوني من غير قضية، وخلوني مرشدة على قصتي الفرح والقصر، و دول قصتين مش حقيقيتين والله، وسجلوا ليا فيديو بيهم، ولما عرفوا إني أنا اللي مصورة صور أسماء (البلتاجي)، الله يرحمها، خلوني أقول إن القصتين دول عشان أنتقم لأسماء، وعملوا الفيلم الهندي دا".

وتابعت إسراء، "لما ودوني النيابة، فضلت أعيط عشان أكلمكم، ويجيلي محامي، ورفضوا، ووكيل النيابة كدب عليا، وقال إنه من حقه يحقق معايا من غير محامي في أول مرة، واتفاجأت بأنه جاب محامي من عندهم في التحقيق، وكل ما أقوله محتاجة أكلم بابا يقول لي بعد التحقيق، ولازم أقول زي ما قلت في فيديو أمن الدولة، و كان معايا أولاد جايين من لاظوغلي بردو ونزلوا النيابة، ولما مش بيقولوا اللي قالوه في لاظوغلي بيرجعوهم تاني، وأنا خوفت وما بقيتش عارفة أعمل إيه".

وأكملت، "أنا آسفة أوي يا بابا، والله ما ليا ذنب في حاجة، وأنا هبلة ومليش في كل اللي بيقولوه ده والله، وما عملتش حاجة، أنا خايفة عليكم جدًا وبدعي لكم طول الوقت، ولا أملك من أمري شيء، وآسفة على كل البهدلة اللي حصلت لكم، ومش عارفة هنتقابل تاني إمتى، عسى أن يكون قريبا، الله كريم".

يذكر أن إسرء الطويل محبوسة علي خلفية اتهامات عدة، في مقدمتها الانضمام إلى جماعة إرهابية، مؤسسة على خلاف أحكام الدستور والقانون، الغرض منها الدعوة إلى تعطيل القوانين، ومنع مؤسسات الدولة من ممارسة أعمالها، والاعتداء على الحرية الشخصية للمواطنين، والإضرار بالوحدة الوطنية والسلام الاجتماعي، وتتخذ من الإرهاب وسيلة لتنفيذ أغراضها.