أحمد موسى يكشف كواليس لقاء الرئيس مع الأحزاب

كشف مقدم برنامج "على مسؤوليتي"، أحمد موسى، الخميس، عن كواليس لم يعلن عنها في الإعلام عن لقاء الرئيس عبدالفتاح السيسي برؤساء الأحزاب السياسية، الثلاثاء الماضي.

وصرح موسى في برنامجه، الخميس، "فيه كلام مهم، هتكلم حول كواليس حوار الرئيس مع الأحزاب، لأن في كلام معهم لازم تعرفوه متقالشي في الإعلام فلازم تعرفوه.. تعرفوه مني انا شخصيًا واللي عنده رد يقول.. حصل كلام كتير صعب صعب.. وعندي كمان كلام عن هشام جنينة.. هشام جنينة اتكلم في وسيلة إعلامية مدعومة من جماعة الإخوان تتلقى تمويل من الخارج شوفوا اتكلم إزاي عن القضا واتكلم إزاي على المؤسسات السيادية.. حاجات كتير هوريهالكم فيديو".

وتابع موسى: "كواليس لقاء الرئيس مع الأحزاب طرح في اللقاء على لسان محمد أنور عصمت السادات، وأسامة الغزالي حرب، المصالحة مع جماعة الإخوان.. طرح هذا الأمر.. واتقال للرئيس نعمل مصالحة مع الناس كفاية.. اللي في السجن لكن على الأقل منسبهومش كده وبتاع.. وأنا استغربت لهذا الأمر ويبدو أن إحنا كمان بنروج للي بيعمله البرلمان الأوروبي النهاردة يبدو أن الناس بتاخد النهج اللي ضد إرادة الشعب.. وهذا الأمر كان الرئيس حاسمًا في رده".

وأردف موسى: "الرئيس رد وقال مين اللي يملك ده مين يملك المصالحة أنا لا أملك.. وبعدين مصالحة مع مين يا جماعة.. في ناس قتلت وناس كذا طب الأول نشوف الحقوق.. يعني حقوق الشهداء والناس اللي اتقتلت ودمار البلد مين اللي هيجيبوه".