حبس فرد أمن اغتصب طفلًا عمره 5 سنوات في "6 أكتوبر"

تجرد فرد أمن من كل المشاعر الرحمة والإنسانية، واستدرج طفلا عمره 5 سنوات واغتصبه في منطقة الخمائل التابعة لدائرة قسم أول أكتوبر بمحافظة الجيزة.
 
وقررت نيابة أول 6 أكتوبر بإشراف المحامي العام لنيابات جنوب الجيزة المستشار ياسر التلاوي حبس عامل بشركة أمن 4 أيام على ذمة التحقيقات لاتهامة باغتصاب طفل عمره 5 سنوات، كما قررت النيابة إحالة المجني عليه لمصلحة الطب الشرعي لتوقيع الكشف الطبي عليه، وطلبت تحريات المباحث حول الواقعة. "مش عارف عملت كدة ازاي؟ الشيطان لعب في دماغي، ومش هعمل كدة تاني" بهذه الكلمات بدأ المتهم اعترفاته في تحقيقات النيابة قائلا "أنا شغال في شركة أمن تحرس الفيلات والكمبوند داخل مدينة السادس من أكتوبر، وأغلب السكان اللي عايشين في المنطقة ناس معاها فلوس زي الرز، والبنات الصغيرة بتلبس ملابس مغرية وضيقة، وأنا دوري أستلم "الأوردر" برقم العمار أو الفيلا حسب التوزيعة المكلف بها من شرطة الأمن، وبسافر كل شهر البلد إجازة 5 أيام، وكان السكان جدعان معايا ومش بيبخلوا على أفراد الأمن بشيء، اللي طالع واللي نازل بيجيب لينا أكل وناس بتدينا فلوس في العيد.
 
وأضاف "أنا متزوج وزوجتي بعيدة عني، وبروح البلد في الشهر مرة، وتعبان علشان ببقى بعيد عن زوجتي وفي يوم الواقعة استيقظت في الصباح وكلفت بحراسة عمارة في مدينة الخمائل، والأطفال كانوا موجودين أمام العمارة بيلعبوا علشان هما واخدين إجازات من المدارس، وأغلبهم ساكنين في العمارة اللي كنت مكلف بحراستها، وعيني جت على الطفل، وهو كان بيحبني علشان كنت بلعب معاه بالكورة، فجأة الشيطان لعب براسي وتحركت غريزتي وشهوتي تجاه الطفل، فطلبت منه نطلع فوق على سطح العمارة نلعب (بلاستيشن)، وطلبت منه يسيب أصحابه، وبالفعل طلعنا فوق العمارة، وبمجرد أن خلوت به، تحكم الشيطان فيَّ وارتكبت جريمتي وتعديت عليه جنسيا".
 
وتابع المتهم بعد أن انتهيت من فعلتي قلت للطفل "روح العب مع أصحابك علشان ينسى إلى عملته فيه"، ولكن المفأجاة أن والدته كانت تبحث عنه بعد أن اختفى عن أصحابه فصفعته لتغيبه لمدة ساعة عن المنطقة، وكان الطفل في حالة انهيار وأخبرها بما حدث، وقتها فكرت في الهرب لكن الجيران تجمعوا بسرعة، وجاء والد الطفل وصعدوا أعلى سطح العمارة ووجدوني وضربوني واعترفت بالواقعة، ثم سلموني للشرطة، "مش عارف عملت كدة ازاي الشيطان لعب في دماغي وأعمى تفكيري في الساعة، وأنا ندمان ومش هعمل كدة تاني".
 
وكانت البداية بتلقي مدير مباحث الجيزة اللواء خالد شلبي إخطار من رئيس مباحث قسم أول 6 أكتوبر المقدم أحمد نجم بتوقيف عدد من الأهالي "إبراهيم .خ " 42 عام عامل بشركة أمن؛ لاغتصاب طفل يبلغ من العمر 5 سنوات بعد استدراجه لأعلى سطح إحدى العقارات وأصابه بحالة إعياء شديدة؛ وعلى الفور انتقلت قوة أمنية بإشراف مفتش قطاع 6 أكتوبر العميد محيي سلامة، والمقدم أحمد نجم رئيس المباحث، والرائد إسلام المهداوى معاون المباحث، وأوقف المتهم واصطحب إلى قسم الشرطة، وبمواجهته اعترف بارتكاب الواقعة، وحُرر المحضر اللازم وإحيل للنيابة التي أمرت بقرارتها السابقة.